Hindi na pinalampas ni Sen. Erwin Tulfo ang mga alegasyong nag-uugnay sa kaniya sa umano’y kickback scheme at human trafficking. Sinampahan niya ng reklamong grave oral defamation ang tatlo sa 18 dating bodyguards umano ni dating Ako Bicol party-list Rep. Zaldy Co matapos siyang madawit sa mabibigat na paratang.
“Puro kalokohan na ang mga paratang na ito. Kung may ebidensya sila, ilabas nila sa tamang forum. Pero kung pangalan ko ang sisirain nila sa alegasyon ng kickback at human trafficking, mananagot sila. Handa akong mag-inhibit kung iyon ang kailangan para humarap sila at masuri ang katotohanan.”
Dito pumapasok ang punto ni Tulfo: kung ang alegasyon ay seryoso, dapat seryoso rin ang ebidensya. Hindi sapat ang press conference, live video, o public statement. Kailangang may testigo, dokumento, detalye, at paninindigan sa ilalim ng oath.
Walang komento:
Mag-post ng isang Komento