Tiniyak ni Romeo Brawner Jr., Chief of Staff ng Armed Forces of the Philippines (AFP), na mananatiling tapat ang sandatahang lakas sa bayan sakaling dumating ang panahong hindi na gumagana nang maayos ang pamahalaan. Ayon sa kanya, malinaw ang mandato ng AFP sa ilalim ng Konstitusyon: protektahan ang estado at ang mamamayan—anumang mangyari sa pulitika.
Ipinunto ni Gen. Brawner na ang interes ng taumbayan ang palaging uunahin ng AFP. Hindi raw ito usapin ng pakikialam sa pulitika, kundi pagtupad sa sinumpaang tungkulin. Ang pagiging propesyonal at non-partisan ng AFP, aniya, ang susi upang mapanatili ang tiwala ng mamamayan.
Binigyang-diin din ni Brawner na ang Konstitusyon ang pinakamataas na gabay ng AFP. Kapag may krisis o pagkalito sa pamamahala, ang malinaw na pamantayan ay ang batas hindi personal na interes o impluwensiya.
Walang komento:
Mag-post ng isang Komento