Sa isang matapang at diretsahang pahayag, binalaan ni dating Senate President Franklin Drilon ang publiko na ang Pilipinas ay tumatahak na sa seryosong political crisis.
"Kung ang korapsyon ay umaabot mula itaas hanggang ibaba, paano pa tayo magtitiwala? Ito ang pinakamalaking political crisis na kinakaharap natin ngayon." - Former Senate President Franklin Drilon
Ayon sa kanya, hindi na simpleng katiwalian ang problema kundi systemic corruption na umano’y nakakapit mula sa pinakamataas na puwesto hanggang sa mga mababang antas ng gobyerno.
Ayon kay Drilon, ang tunay na krisis ngayon ay hindi lamang political, ito ay krisis ng tiwala. Wala na raw malinaw na linya kung sino ang matawid, sino ang pabor sa bayan, at sino ang tunay na nagsisilbi. Lahat umano ay napupulaan, at ang integridad ng mga institusyon ay unti-unting kinakain ng duda ng publiko.
Ayon sa kanya, kung ang mga nasa kapangyarihan ay inuuna ang pansariling interes, at ang mga nasa ibaba ay sumusunod sa parehong kultura, nagiging normal ang korapsyon, at ang bansa ang siyang nalulugmok.
Sa pinakamatapang niyang pahayag nitong mga nakaraang buwan, itinuro ni Franklin Drilon ang pinakamalaking problema ng bansa: isang malawak, malalim, at sistematikong korapsyon na nakakayanig sa mismong pundasyon ng gobyerno.
Walang komento:
Mag-post ng isang Komento