Nagbigay ng diretsahan at makabuluhang mensahe si Vice President Sara Duterte kaugnay ng bumababang tiwala ng publiko sa Marcos administration. Ayon kay VP Sara, hindi dapat binabalewala ang malinaw na pagbaba ng trust rating dahil ito ay repleksyon ng tunay na nararamdaman ng sambayanang Pilipino.
“Nakikita ng taumbayan kung saan patungo ang bansa. Ang pagbaba ng tiwala ay hindi aksidente, babala ito. Hindi simpleng numero ang survey; salamin ito ng sentimyento ng mga Pilipino na pagod na at naghahanap ng tunay na liderato.” -Vice President Sara Duterte
Giit niya, nakikita raw ng mga tao kung saan talaga dinadala ang bansa—at hindi maganda ang nakikita nila. Sa sunod-sunod na kontrobersiya, katiwalian, at kapalpakan ng pamahalaan, lumiliit na ang pasensya ng publiko at lumalakas ang paniniwalang hindi na epektibo ang kasalukuyang pamumuno.
Ayon sa Bise-Presidente, ang survey na nagpapakitang bumabagsak ang tiwala kay Pangulong Marcos ay hindi dapat ituring na “simpleng numero.” Sa halip, ito raw ay malinaw na babala mula sa taongbayan na may mali, may kakulangan, at may dapat ayusin ang administrasyon.
Ang pahayag ni VP Sara Duterte ay nagbukas ng mas matapang na pag-uusap tungkol sa tunay na estado ng pamahalaan. Sa pagbaba ng tiwala sa Marcos administration, nagiging malinaw na hindi na kontento ang publiko sa direksyong tinatahak ng bansa. Ang mensahe ni VP Sara ay isang tahasang pagpapaalala: kapag hindi nakinig ang liderato, ang bayan mismo ang magdedesisyon kung sino ang karapat-dapat pamunuan sila.
Walang komento:
Mag-post ng isang Komento