Ipinahayag ni Rep. Leila de Lima ang kanyang matinding paghanga at buong suporta kay Father Flavie Villanueva matapos nitong tanggapin ang prestihiyosong Ramon Magsaysay Award. Para kay De Lima, hindi lamang ito personal na tagumpay ng pari, kundi tagumpay ng lahat ng Pilipinong naninindigan para sa karapatang pantao, hustisya, at katotohanan.
“Congratulations, Father Flavie. Lahat ng hakbang mo, nasa likod mo kami. Patuloy naming susuportahan ang adbokasiya mo para sa katotohanan, hustisya, at pananagutan. Proud na proud kami sa’yo.” - Rep. Leila de Lima
Sa kanyang mensahe, sinabi ni Rep. De Lima na ang parangal ay malinaw na patunay ng matagal nang laban ni Father Villanueva para sa mga inaapi, pinabayaan, at biktima ng kawalan ng katarungan. Ayon sa mambabatas, hindi matatawaran ang dedikasyon ng pari sa pagtataguyod ng dignidad ng bawat Pilipino.
“Extremely proud of your latest achievement,” saad ni De Lima, sabay giit na ang laban ni Father Flavie ay laban din ng mga Pilipinong nagnanais ng tapat at makataong pamamahala.
Ang mensahe ni Rep. De Lima ay malinaw hindi nag-iisa si Father Villanueva sa kanyang panawagan. Sa pagtanggap ng Ramon Magsaysay Award, mas tumibay ang suporta sa kanya at mas naging malakas ang sigaw para sa pagbabago sa pamahalaan.
Walang komento:
Mag-post ng isang Komento