Matapang na sumagot si Presidential Adviser Larry Gadon sa mga patuloy na bumabatikos kay Fr. Flaviano “Flavie” Villanueva, kasunod ng aktibong panawagan ng pari laban sa ilang opisyal ng pamahalaan.
Ayon kay Gadon, walang anumang paninira o panliligwak sa social media ang makakayanang pumigil o makapagpahina sa isang taong nagsisilbi sa masa at may basbas ng Panginoon.
“Kahit anong paninira ang gawin nila kay Father Flavie, hindi nila yan matitinag. Hindi mo kayang pabagsakin ang taong may basbas ng Panginoon at nagsisilbi sa tama.” - Presidential Adviser Larry Gadon
Sinabi ni Gadon na malinaw para sa kanya kung bakit patuloy ang pag-atake kay Fr. Flavie dahil marami ang natatamaan sa mga katotohanang inilalabas ng pari. Ngunit binigyang-diin niya na hindi basta-basta masisira ang isang taong nagtataas ng adbokasiya para sa katarungan, dignidad, at pagmamalasakit sa maralita.
Giit ni Gadon, matagal nang sanay si Fr. Villanueva sa panghuhusga at pag-atake, ngunit hindi ito kailanman naging dahilan para iwan niya ang kanyang misyon. Idinagdag pa niya na ang lakas ni Fr. Flavie ay hindi nanggagaling sa politikal na kapangyarihan, kundi sa pananampalataya at suporta ng mga taong pinaglilingkuran niya araw-araw.
Ang pahayag ni Presidential Adviser Larry Gadon ay malinaw na mensahe laban sa mga patuloy na bumabatikos kay Fr. Flavie Villanueva na ang katotohanang ipinaglalaban ng pari ay hindi kayang tumbasan ng paninira.
Walang komento:
Mag-post ng isang Komento