Naging mainit ang umaga sa Welcome Rotonda, Quezon City, matapos magsagawa ng kilos-protesta ang mga Pro-Marcos groups at PBBM loyalists ngayong araw. Bitbit ang mga plakard, tarpaulin, at bandila ng Pilipinas, sabay-sabay nilang isinigaw ang panawagang “Protect PBBM!”, bilang pagpapakita ng kanilang suporta kay Pangulong Ferdinand “Bongbong” Marcos Jr. sa gitna ng mga kontrobersiya at batikos na kinakaharap ng kanyang administrasyon.
Ayon sa mga organizer, layunin ng rally na ipagtanggol ang Pangulo laban sa mga negatibong isyu at maling paratang na lumalabas kamakailan sa social media at midya.
“Hindi kami narito para makipag-away. Narito kami para ipakita na maraming Pilipino pa rin ang nagtitiwala sa Pangulo,” -Loyalist Pro-BBM supporters
Sa kanilang panawagan, iginiit ng mga grupo na panahon na upang magkaisa ang mga Pilipino at itigil ang pagpapakalat ng negatibong impormasyon na nakakaapekto umano sa imahe ng bansa. Hinimok din nila ang publiko na magbigay ng pagkakataon sa Pangulo na ipagpatuloy ang kanyang mga reporma at programang pambansa.
Pinuri naman ng Malacañang ang mapayapang demonstrasyon at sinabing mahalaga ang pagpapakita ng suporta sa tamang paraan. Ang “Protect PBBM” rally sa Welcome Rotonda ay isang malinaw na pagpapakita ng loyalty at tiwala ng ilang Pilipino sa kasalukuyang administrasyon.
Walang komento:
Mag-post ng isang Komento