Mariing tinutulan ni Senate President Pro Tempore Panfilo “Ping” Lacson, na siya ring chairman ng Senate Blue Ribbon Committee, ang pagbibigay ng “special treatment” kay dating Ako Bicol Party-list Representative Elizaldy “Zaldy” Co, sa gitna ng mga isyung kanyang ibinunyag tungkol sa umano’y ₱100-bilyong budget insertion.
Ayon kay Lacson, hindi sapat ang mga video statement at social media revelations ni Co upang paniwalaan ng Senado o ng publiko. Giit niya, kung tunay na may katotohanan ang mga sinasabi ni Co, dapat itong umuwi sa Pilipinas at humarap sa imbestigasyon upang patunayan ang kanyang mga alegasyon sa ilalim ng panunumpa.
“Hangga’t hindi siya umuuwi, walang maniniwala sa kanya. Ang Senado ay hindi korte ng TikTok o Facebook. Kung totoo ang sinasabi niya, humarap siya dito.” -Sen. Ping Lacson
Binanggit ni Lacson na ang Blue Ribbon Committee ay hindi mananampalataya sa mga akusasyon na walang matibay na basehan at hindi dumaan sa tamang proseso. Dagdag niya, walang dahilan upang bigyan ng “exception” si Co, lalo’t tila ginagamit lamang nito ang social media upang makuha ang simpatiya ng publiko.
Sa harap ng patuloy na kontrobersiya, nananatiling matatag si Sen. Panfilo “Ping” Lacson sa kanyang paninindigan, ang katotohanan ay hindi makikita sa mga video o social media posts, kundi sa harap ng batas.
Walang komento:
Mag-post ng isang Komento