Nanawagan si Atty. Claire Castro, Palace Press Officer, sa publiko na magkaroon ng mas mataas na pasensya habang nagpapatuloy ang imbestigasyon at pagsasampa ng kaso laban sa mga personalidad na sangkot umano sa anomalya sa flood-control projects ng gobyerno.
Ayon kay Castro, hindi pwedeng madaliin ang proseso lalo na kung malalaking pangalan at malalaking pondo ang pinag-uusapan.
Giit niya, ang due process ay hindi lang para sa mga akusado—kundi para rin sa mga naghahangad ng hustisya.
“’Pag nasampahan na ng kaso, ibig sabihin noon sa mata ng Ombudsman, kumpleto ang ebidensya. Kaya nila nirekomendang iakyat sa Sandiganbayan ” -Atty. Claire Castro
Aniya, kapag umabot na sa korte, ang Sandiganbayan na ang may kapangyarihang maglabas ng warrant of arrest. Ito raw ang patunay na gumagana ang sistema kahit mabagal, tuloy-tuloy naman.
Ayon kay Castro, maraming kaso ang malalim at malawak ang saklaw. Hindi puwedeng basta-basta lang ibaba ang paratang kung kulang pa ang ebidensya. Ang panawagan ni Atty. Claire Castro para sa “mas mataas na pasensya” ay hindi panlalamig sa isyu ng korapsyon, kundi paalala na ang tunay na hustisya ay hindi dapat minamadali nang walang matibay na ebidensya.
Walang komento:
Mag-post ng isang Komento