Inihayag ni Senator Ronald “Bato” dela Rosa na handa siyang sumailalim sa hair follicle drug test kung kinakailangan, kasabay ng panukalang isailalim sa mas mahigpit na drug testing ang lahat ng halal na opisyal mula lokal hanggang pambansang antas.
Para kay Dela Rosa, walang dapat ikatakot ang sinumang opisyal kung malinis ang kanilang record pagdating sa paggamit ng ilegal na droga.
“Wala akong tinatago. Kung hair follicle test ang kailangan, sige handa akong mauna. Kung gusto nating seryosohin ang kampanya kontra droga, dapat kami mismong opisyal ang unang nagpapakita ng halimbawa,” -Sen. Ronald “Bato” dela Rosa
Sa gitna ng mga panukala na gawing mas istrikto ang drug testing sa gobyerno, nagprisinta si Sen. Bato na sumailalim hindi lang sa ordinaryong urine test, kundi pati sa hair follicle drug test, na kilala bilang mas mahirap dayain at mas malawak ang saklaw ng detection period.
Binigyang-diin ni Sen. Bato na hindi lang ito dapat limitado sa mga national official. Para sa kanya, dapat lahat ng halal na opisyal, mula barangay level, mayor, governor, congressman, hanggang senador, ay puwedeng isailalim sa ganitong klaseng pagsusuri.
Ang pahayag ni Senator Ronald “Bato” dela Rosa na handa siyang sumailalim sa hair follicle drug test ay nagpapakita ng mensahe na gusto niyang iparating sa publiko kung seryoso ang gobyerno sa laban kontra droga, dapat magsimula ito sa mismong hanay ng mga opisyal.
Walang komento:
Mag-post ng isang Komento