Nagbigay ng matapang na pahayag si Pangulong Ferdinand “Bongbong” Marcos Jr. na layunin ng kanyang administrasyon na mabawi at maibalik sa mamamayang Pilipino ang lahat ng perang ninakaw, mga ari-arian, at iba pang yaman na kinuha sa pamamagitan ng katiwalian.
Ayon sa Pangulo, hindi lamang ito simpleng pangako, kundi bahagi ng mas malawak na kampanya ng gobyerno laban sa korapsyon, lalo na sa larangan ng imprastruktura at flood-control projects kung saan madalas umano nagkakaroon ng umano’y anomalya sa pondo.
“You have the money to run but you can't outrun the Republic of the Philippines. This government intends to bring back every peso, every asset, every person responsible and return it to the Filipino people” - Pangulong Marcos
Ibinunyag din ng ilang opisyal ng administrasyon na may ilan nang personalidad na nagsisimulang magsoli ng pera o ari-arian sa gobyerno bilang bahagi ng pagsunod sa batas o pakikipag-areglo.
Bagama’t hindi pa inilalantad sa publiko ang mga pangalan, sinasabing umaabot sa malalaking halaga ang ibinabalik sa kaban ng bayan.
Ang pahayag ni Pangulong Ferdinand “Bongbong” Marcos Jr. tungkol sa pagbawi sa “bawat piso at bawat ari-arian” ay naglalayong ipakita na seryoso ang administrasyon sa laban kontra korapsyon. Sa pamamagitan ng pag-freeze ng assets, paghabol sa mga sangkot, at pagsasauli ng pera sa mga programang ramdam ng mamamayan, ipinapakita ng Palasyo na hindi sapat ang salita kung walang konkretong aksyon.
Walang komento:
Mag-post ng isang Komento