Nagbabala si Executive Secretary Ralph Recto sa matinding epekto ng panukalang ibaba ang value added tax (VAT) mula 12% tungong 10%. Ayon kay Recto, bagama’t maganda itong pakinggan sa unang tingin, ang pagbaba ng buwis ay maaaring magdulot ng revenue loss na aabot sa ₱300 bilyon, na posibleng magpabigat sa ekonomiya at magdulot ng dagdag na pagdurusa sa maraming Pilipino.
Paliwanag ni Recto, ang pagbawas ng VAT ay hindi lamang usaping pampulitika, isa itong seryosong usapin.
“Kung mawawala ang ₱300 bilyon sa kaban ng bayan, tanong ko: saan tayo kukuha ng ipapalit? Hindi ito simpleng butas, kundi malaking puwang sa budget ng bansa” - Exec. Sec. Ralph Recto
Ayon kay Recto, ang ironiya ng VAT reduction ay kahit mukhang pabor sa masa, sa huli ay ang mga ordinaryong manggagawa ang higit na maaapektuhan. Sa kanyang panawagan, iginiit ni Recto na mas kailangan ng bansa ngayon ang matatag na pondo, hindi dagdag na fiscal gap. Sinabi niyang ang mga hakbang na hindi kalkulado ay maaaring magsilbing mitsa ng mas malalim na paghihirap para sa bansa.
Ang panukalang ibaba ang VAT ay mukhang magaan sa bulsa ng publiko, ngunit ayon kay Exec. Sec. Ralph Recto, ang kabuuang epekto nito ay mas mabigat at maaaring magdulot ng mas matagalang problema.
Sa gitna ng banta ng ₱300 bilyong revenue loss, malaki ang posibilidad na ang mga ordinaryong Pilipino, lalo na ang working class, ang higit na magdurusa.
Walang komento:
Mag-post ng isang Komento