Nagbigay ng matapang na pahayag si ACT Teachers Party-list Representative Antonio Tinio matapos ibasura ng International Criminal Court (ICC) ang kahilingan para sa interim release ni dating Pangulong Rodrigo Duterte.
Hindi lamang niya ikinatuwa ang desisyon, kundi nagbigay rin siya ng matinding babala kay Sen. Ronald “Bato” dela Rosa, na aniya'y maaaring sumunod na papanagutin ng ICC.
"Maghanda ka dahil susunod kana, kung may warrant man na lumabas para sayo, hindi na ito ikagugulat ng marami" -Rep. Antonio Tinio
Sa kanyang pahayag, sinabi ni Tinio na hindi malayo ang posibilidad na si Sen. Bato ang kasunod sa pagharap sa kaso sa ICC, lalo na’t siya ang naging mukha ng drug war noong panahon ni Duterte.
Dagdag niya, matagal na itong inaabangan ng mga pamilya ng biktima at human-rights advocates. Ayon kay Tinio, malaking hakbang ang desisyon ng ICC para sa hustisya. Para sa kanya, matagal na panahon na tila walang nangyayari sa lokal na imbestigasyon.
Muling umigting ang tensyon sa usapin ng drug war matapos ang pahayag ni Rep. Antonio Tinio. Habang ipinagdiriwang niya ang desisyon ng ICC laban sa dating pangulo, ibinabala naman niya na hindi malayo ang araw na harapin ni Sen. Bato Dela Rosa ang parehong hukuman. Para kay Tinio, ang mga pangyayaring ito ay paalala na ang hustisya ay maaaring mabagal pero hindi ito nawawala.
Walang komento:
Mag-post ng isang Komento