Isinusulong ni Rep. Perci Cendaña ang isang makasaysayang panukalang batas na naglalayong kilalanin, itala, at bigyan ng financial assistance ang mga biktima at mga pamilyang naiwan ng extra-judicial killings (EJK) noong panahon ng kampanya kontra droga ng dating Pangulong Rodrigo Duterte.
Ang panukalang batas na tinatawag na EJK Victims Recognition and Reparation Act ay naglalayong magbigay ng tunay na suporta sa mga pamilyang naghirap, naulila, at nawalan ng kabuhayan dahil sa mga insidenteng nauugnay sa Tokhang.
“We urge the government to recognize and memorialize the victims of EJK. We demand reparations. We call for truth, an account of what transpired, and who were responsible” -Rep. Perci Cendaña
Ayon sa kongresista, hindi sapat ang simpleng pag-alaala o pag-uusap tungkol sa mga pangyayari. Kailangan umano ng konkretong hakbang ng gobyerno para kilalanin ang mga biktima at magbigay ng kabayaran sa pagdurusang naranasan nila.
Para kay Cendaña, dapat matanggap ng bawat pamilyang pinagsakluban ng trahedya ang suporta mula sa estado dahil isa itong moral obligation. Binigyang-diin ng kongresista na hindi ito pag-atake sa sinumang lider, kundi pagkilala sa mga ordinaryong Pilipino na nagdusa sa gitna ng kampanya kontra droga.
Ang EJK Victims Recognition and Reparation Act ni Rep. Perci Cendaña ay isang mahalagang hakbang para sa mga pamilyang matagal nang naghihintay ng hustisya at pagkilala.
Kung maisasabatas, ito ay magiging simbolo ng pag-ako ng gobyerno sa responsibilidad, gabay tungo sa katotohanan, at tulong na makapagbibigay ng bagong simula sa mga naulilang Pilipino.
Walang komento:
Mag-post ng isang Komento