Nanawagan si Akbayan Representative Perci Cendaña kay Pangulong Ferdinand “Bongbong” Marcos Jr. na “step up” at papanagutin ang mga malalaking opisyal ng gobyerno na sangkot umano sa multi-billion peso corruption scandal sa mga flood-control projects.
Ayon kay Cendaña, hindi sapat na mga “small fry” o maliliit na personalidad ang nakakasuhan; dapat umanong harapin ang mga “pating at balyena” ng korapsyon.
“Bilyon-bilyon ang ninakaw pero mga dilis at sapsap palang ang nakukulong. Wala pa yung mga pating at balyena. Panawagan natin sa Marcos administration: step up naman.” -Rep. Perci Cendaña
Sa matapang na pahayag, tinuligsa niya ang tila mabagal at limitado umanong aksyon ng administrasyon sa mga sangkot sa anomalya.
Ayon sa kanya, kung ang tunay na ninakaw ay umaabot ng bilyong piso, hindi makatarungang ang maliliit na pangalan lang ang nasasampahan ng kaso. Binigyang-diin ni Cendaña na kung hindi hahabulin ang malalaking personalidad kasama na ang mga opisyal na may mataas na ranggo magmumukhang palabas lamang ang kampanya kontra korapsyon.
Ang panawagan ni Rep. Perci Cendaña ay malinaw kung tunay na gustong itigil ang korapsyon, dapat simulan sa malalaking nasa likod ng multi-billion peso na anomalya sa flood-control projects.
Walang komento:
Mag-post ng isang Komento