Nagpaalala si DILG Secretary Jonvic Remulla sa publiko, partikular sa mga grupong nagsasagawa o nagbabalak magsagawa ng mga rally lalo na sa mga may balak pabagsakin ang administration ni Marcos, na malaya ang bawat Pilipino na magpahayag ng saloobin, ngunit may malinaw na hangganan ang demokrasya kapag may batas nang nalalabag.
Ayon kay Remulla, hindi isinasara ng pamahalaan ang karapatan ng taumbayan na magprotesta, pero kailangan itong gawin sa tamang paraan, tamang lugar, at may pagrespeto sa batas upang mapanatili ang kaayusan at seguridad.
“Pasensyahan tayo. Ang batas ay batas at bawat paglabag ay may kaakibat na pananagutan. May limitaasyon ang demokrasya. Isigaw ninyo ang lahat, pero kapag may lumabag, handa kaming ipatupad ang batas—kahit sino pa man,” - Sec. Jonvic Remulla
Ayon sa kanya, hindi problema ang protesta ang problema ay kapag may nagagamit na karahasan, paninira, o pagharang sa pampublikong daan. Tiniyak ni Remulla na handa ang mga pulis at local government units na ipatupad ang mga regulasyong kinakailangan sa isang kilos-protesta.
Ang pahayag ni Secretary Jonvic Remulla ay nagsisilbing paalala na ang kalayaan sa pagpapahayag ay isang karapatan na dapat pangalagaan, ngunit hindi dapat abusuhin. Sa gitna ng mainit na klima ng politika at padami nang padaming protesta, ipinapahayag ng DILG na handa silang protektahan ang karapatan ng mamamayan, pero may malinaw na red line: kapag may batas nang nilalabag, may pananagutan.
Walang komento:
Mag-post ng isang Komento