Nanindigan si Pangulong Ferdinand “Bongbong” Marcos Jr. na gagawin ng kanyang administrasyon ang lahat legal, teknikal, at pinansyal upang mahanap, madakip, at mapanagot si Zaldy Co, ang dating kongresista na sangkot umano sa malaking anomalya ng budget insertions na umabot sa bilyon-bilyong piso ng pera ng bayan.
Ayon sa Pangulo, hindi na dapat magduda ang taumbayan: kahit saan magtago, sisikapin ng pamahalaan na iharap si Co sa batas.
“Gagamitin natin ang pondo ng bayan para sa hustisya, hindi sa katiwalian. Kahit saan magtago si Zaldy Co, hahabulin natin. May utang kami sa taumbayan na ituwid ang mali” - Pangulong Marcos
Sinabi rin ng Pangulo na hindi dapat isipin ng publiko na ang anti-corruption campaign ay para lamang sa “maliliit na isda.” Ito raw ay para sa lahat, lalo na sa mga may malalaking posisyon na nagsamantala sa tiwala ng taumbayan.
Sa gitna ng galit ng publiko, sinabi ng Pangulo na nauunawaan niya ang sama ng loob ng mamamayan. Ipinangako rin ni Marcos na hindi magiging “safe zone” ang gobyerno para sa mga korap.
Ang pahayag ni Pangulong Marcos ay malinaw na mensahe: tapos na ang panahon ng palusot at proteksyon para sa mga tiwali. Sa gitna ng multi-billion budget insertion scandal, ipinapangako ng Malacañang na hindi titigil hangga’t hindi napapanagot si Zaldy Co at ang sinumang sangkot sa anomalya.
Walang komento:
Mag-post ng isang Komento