Tiniyak ni Senate President Vicente “Tito” Sotto III na ligtas at buo ang lahat ng dokumento ng Senado kabilang ang mga sensitive files ng Blue Ribbon Committee matapos ang sunog na sumiklab sa ikatlong palapag ng Senate Building nitong Linggo, Nobyembre 30.
Ayon kay Sotto, mabilis na rumesponde ang mga awtoridad kaya hindi lumaki ang pinsala at walang naitalang nasawi o nasugatan.
Batay sa ulat, nagsimula ang apoy sa Legislative Technical Affairs Bureau bandang 6:30 AM.
Agad itong nilapatan ng aksyon ng Bureau of Fire Protection (BFP) at idineklarang under control ang sunog bandang 7:43 AM, mahigit isang oras matapos ang initial report. Nagkaroon lamang ng water leakage sa Session Hall dahil sa dami ng tubig na ginamit upang apulahin ang apoy.
Pinawi ni Sotto ang pangamba ng publiko, lalo na sa mga alegasyong may dokumentong sinadya umanong sunugin. Mariin niyang sinabi na lahat ng mahahalagang dokumento, lalo na ang mga hawak ng Blue Ribbon Committee, ay intact, secured, at hindi naapektuhan ng sunog.
Dagdag niya, mahigpit ang koordinasyon ng Senado sa BFP at internal security upang siguruhing ligtas ang gusali at hindi na mauulit ang insidente. Sa kabila ng sunog na nagdulot ng pangamba, tiniyak ni Senate President Tito Sotto na walang nawalang dokumento, walang ebidensyang nasira, at walang dapat ikabahala ang publiko
Walang komento:
Mag-post ng isang Komento