Umani ng atensyon at suporta ang pagdalo ni Miss Universe 2018 Catriona Gray sa Trillion Peso March isang malaking protesta na ginanap sa EDSA People Power Monument sa Quezon City nitong Linggo.
Kasama ang libo-libong Pilipinong nagtipon sa lugar, nakisalo si Catriona sa panawagang transparency, accountability, at hustisya kaugnay ng umano’y multi-billion peso corruption scandal sa flood-control projects.
"bilang isang Pilipinong nagmamalasakit. Kung pera ng bayan ang pinag-uusapan, dapat malinaw, dapat tapat, at dapat may pananagutan” -Catriona Gray
Hindi nagbigay ng mahabang talumpati ang beauty queen, ngunit malinaw ang kanyang mensahe may karapatan ang publiko na humingi ng paliwanag kung saan napupunta ang pera ng bayan.
Ayon sa kanya, panahon na para magparamdam hindi bilang takot na mamamayan, kundi bilang mapanuring Pilipino. Pinaalala rin niya na ang People Power Monument ay simbolo ng pagkakaisa ng Pilipino, kaya napakagandang lugar na ipahayag ang hinaing ng bayan.
Ang pagdalo ni Catriona Gray sa Trillion Peso March ay hindi lamang simpleng presensya ito ay simbolo ng pakikiisa, pag-asa, at paninindigan. Ipinapakita nito na kahit sino sikat man o ordinaryong mamamayan ay may boses na pwedeng gamitin para sa ikabubuti ng bayan.
Walang komento:
Mag-post ng isang Komento