Habang nagdulot ng matinding ulan at hangin ang Bagyong Uwan, isang pangalan na muling binigkas ng mga Pilipino ang siyang naging simbolo ng pag-asa at proteksyon ang Sierra Madre. Kahit hindi nito tuluyang napigilan ang hagupit ng bagyo, malaki pa rin ang naging papel ng bulubunduking ito sa pagpapahina ng lakas ni Uwan bago pa man ito tuluyang tumama sa kalupaan ng Luzon.
Ang Sierra Madre Mountain Range, na bumabagtas mula sa Cagayan hanggang Quezon, ay muling pinatunayan ang kahalagahan nito bilang natural na panangga laban sa mga malalakas na bagyo. Ayon sa mga eksperto, ang makapal nitong kagubatan at matataas na bundok ang nagpabagal sa bugso ng hangin at ulan ng Bagyong Uwan, kaya’t nabawasan ang pinsalang posibleng idulot sa mga kabahayan at kabundukan ng Luzon.
“Hindi lang basta bundok ang Sierra Madre ito ay buhay, proteksyon, at tahanan ng ating kalikasan,” - Dr. Marites Villanueva, forest conservationist
Matagal nang kinikilala ang Sierra Madre bilang “the backbone of Luzon” dahil ito ang pinakamahabang mountain range sa bansa, na umaabot ng mahigit 500 kilometro.
Bukod sa pagiging tahanan ng napakaraming wildlife species, ito rin ang unang depensa ng bansa laban sa bagyo na galing sa Pacific Ocean.
Sa tuwing may paparating na bagyo, ito ang unang sumasalo sa malalakas na hangin at ulan, dahilan kung bakit humihina ang impact ng bagyo bago ito maramdaman ng mga mababang lugar.
Habang nag-trending online ang hashtag #SalamatSierraMadre, bumuhos ang mga post ng pasasalamat mula sa mga netizens. Marami ang nagbahagi ng larawan ng bundok na may caption na “Ikaw ang tunay naming tagapagtanggol.”
Maging ang ilang residente ng Aurora at Quezon ay nagsabing kung hindi dahil sa Sierra Madre, mas malala sana ang epekto ng Bagyong Uwan.
Sa bawat unos na dumarating, muling pinapatunayan ng Sierra Madre na ito ay higit pa sa isang bundok ito ay buhay, tagapagtanggol, at simbolo ng pag-asa. Habang patuloy nitong pinapahina ang mga bagyong tumatama sa bansa, responsibilidad nating mga Pilipino na alagaan at ipagtanggol ang likas na yaman na ito.
Walang komento:
Mag-post ng isang Komento