Hinikayat ni Atty. Claire Castro, isang kilalang abogado at tagapagsalita sa isyung pampulitika, ang mga local at foreign investors na magtiwala sa kasalukuyang administrasyon ni Pangulong Ferdinand “Bongbong” Marcos Jr.
Ayon kay Castro, nasa tamang direksyon ang liderato ng bansa, at malinaw na layunin ng Pangulo na linisin ang sistema ng pamahalaan laban sa korapsyon at palakasin ang tiwala ng mga negosyante sa Pilipinas.
“Kung kayo ay isang investor, mas dapat kayong magtiwala. Sa panahon ngayon ni Pangulong Marcos, kahit mismo siya, gusto niya malinis at walang korapsyon ang bansa” - Atty. Claire Castro
Binigyang-diin ni Castro na hindi dapat matakot ang mga investor na mamuhunan sa Pilipinas dahil aktibong kumikilos ang gobyerno upang mapabuti ang business environment. Mula sa digitalization ng mga permit system hanggang sa transparency sa mga proyekto, layunin umano ng Pangulo na gawing madali, mabilis, at ligtas ang proseso ng pamumuhunan sa bansa.
Dagdag ni Castro, patuloy na nakikita ng mga banyagang kumpanya ang potensyal ng Pilipinas bilang investment hub sa Asya. Sa gitna ng mga isyung politikal at ekonomikal, nananatiling positibo si Atty. Claire Castro sa kakayahan ni Pangulong Ferdinand Marcos Jr. na ibalik ang tiwala ng mga mamumuhunan at gawing mas maunlad at maayos ang ekonomiya ng bansa.
Walang komento:
Mag-post ng isang Komento