Sa gitna ng mainit na isyu tungkol sa ₱100-bilyong budget insertion scandal na kinasasangkutan umano ni Pangulong Ferdinand “Bongbong” Marcos Jr. at dating House Speaker Martin Romualdez, nagbigay ng matapang na pahayag si Senate President Pro Tempore Panfilo “Ping” Lacson. Ayon sa kanya, ang mga ibinulgar ni dating Ako Bicol Representative Zaldy Co ay “kuwentong walang halaga” hangga’t hindi ito isinasalaysay sa ilalim ng panunumpa.
“Pumunta siya rito, mag-take oath siya at sabihin niya ’yung statement niya, then ’yun ang may probative value,”
Ayon kay Lacson, ang mga pahayag ni Zaldy Co sa social media ay hindi pa matatawag na ebidensya sa batas. Bagama’t tinatawag itong explosive revelation ng publiko, nilinaw ng senador na ang anumang akusasyon laban sa Pangulo ay kailangang dumaan sa tamang proseso bago ito tanggapin bilang katotohanan.
“Lahat ng sinasabi niya ay narration lang. Sa legal terms, wala pa ’yung tinatawag na probative value. Kung gusto niyang paniwalaan siya ng sambayanan, dapat sa ilalim ng panunumpa niya ito sabihin,” paliwanag pa ng senador.
Dagdag ni Lacson, kung totoo ngang may banta sa buhay si Zaldy Co, maaaring payagan ng Senate Blue Ribbon Committee na magsumite ito ng testimonya sa Philippine Embassy o Consulate abroad. Ito umano ay upang matiyak na maririnig pa rin ang kanyang panig kahit nasa ibang bansa siya.
Iba’t ibang opinyon ang lumabas sa publiko matapos ang pahayag ni Lacson. Ang ilan ay sumang-ayon sa senador, sinasabing tama lamang na sundin ang proseso upang maiwasan ang fake testimonies o AI-generated confessions. Ngunit marami ring kumuwestiyon sa pananaw ng senador, sinasabing tila minamaliit niya ang saksi na maaaring may hawak na totoong ebidensya laban sa mga nasa kapangyarihan.
Sa gitna ng lumalalim na political tension sa pagitan ng mga kampo ni Marcos, Romualdez, at Zaldy Co, nanindigan si Sen. Ping Lacson na ang katotohanan ay kailangang dumaan sa pormal na proseso.
Walang komento:
Mag-post ng isang Komento