Tunay na queen of real talk si Pokwang, matapos mag-viral ang kanyang social media post kung saan ibinida niya ang kanyang outfit mula sa murang brand na Shein, kasabay ng pasaring sa mga tinatawag na “nepo babies” o mga anak ng mayayamang personalidad at politiko na umano’y ginagastusan ng sobra para sa kanilang luho.
Sa kanyang matapang na post, pinakita ni Pokwang ang kanyang simple pero elegante na Shein outfit, sabay may caption na nagpatawa pero may laman:
“Nepo babies luxurious outfit vs SHEIN, tang*na sinayang nyo talaga pera ng bayan hahaha depende talaga yan sa nagdadala mga hayuf!!!”
Bagama’t may halong biro, marami ang nakabasa ng mas malalim na mensahe sa sinabi ng komedyante, isang puna sa labis na paggastos at kawalan ng malasakit sa mga ordinaryong Pilipino ng ilang anak ng mga politiko o mayayamang pamilya.
Maraming netizens ang sumang-ayon kay Pokwang, at pinuri siya dahil sa pagiging totoo, praktikal, at grounded kahit isa na siyang kilalang artista. Ayon sa mga komento, pinatunayan ni Pokwang na ang kagandahan at karisma ay hindi nasusukat sa presyo ng suot, kundi sa kumpiyansa sa sarili.
Muli na namang pinatunayan ni Pokwang na siya ay hindi lang nakakatawa kundi may prinsipyo rin sa buhay. Sa panahon kung saan maraming tao ang nabubuhay para lang magpasikat at magyabang sa social media, pinakita niya na ang tunay na elegance ay hindi nabibili, ito ay dala ng confidence, authenticity, at disiplina sa paggamit ng pera.
"Wala sa brand ‘yan, nasa nagdadala. Pwede kang naka-Shein o ukay pero kering-keri mo kung may confidence ka. Nakakatawa kasi ‘yung iba, puro mamahalin, pero attitude naman ang mura. Sa panahon ngayon, dapat marunong tayong magtipid at mamuhay ng totoo hindi puro pagpapasikat" -Pokwang
Walang komento:
Mag-post ng isang Komento