Naglabas ng matapang na pahayag si Pasig City Mayor Vico Sotto matapos ihayag ni Pangulong Ferdinand “Bongbong” Marcos Jr. ang listahan ng Top 15 DPWH Contractors para sa Flood Control Projects. Sa listahang ito, napansin ng alkalde na kabilang sa top companies ang Alpha & Omega (Top 2) at St. Timothy (Top 3), pati na rin ang St. Gerrard mga kumpanyang aniya ay pag-aari at kontrolado ng pamilyang Discaya, na kilala rin sa politika sa Pasig.
"Ang kampi ko ay sa katotohanan at sa taumbayan. Kung may mali sa sistema, tungkulin nating ayusin at ilantad ito, kahit sino pa ang masagasaan." -Mayor Vico
Ayon kay Mayor Vico, unti-unti nang lumalabas ang buong katotohanan tungkol sa mga proyektong ito. Binanggit din niya ang pahayag ng Pangulo sa kanyang SONA na malinaw na patama sa mga sangkot: “Mahiya naman kayo!”
Dagdag ni Vico, bagama’t mahirap tukuyin nang eksakto ang lahat ng taong kasangkot, malinaw sa mga nasa gobyerno na may basehan ang mga alegasyon. “Mga kapitan at politikong kasama rin naman nila ang unang nagkuwento sa akin kung paano ang ginagawa nila,” ani pa niya.
Ang pahayag na ito ay tila pagbubukas ng mas malawak na usapan hinggil sa transparency at accountability sa mga proyekto ng gobyerno, lalo na kung may kinalaman sa malalaking kontrata na may pondo mula sa buwis ng taumbayan.
Ang pahayag ni Mayor Vico Sotto ay hindi lamang simpleng banat sa kalaban sa politika, kundi isang panawagan para sa mas malinaw at tapat na paggamit ng pondo ng bayan. Sa paglalantad niya ng mga kumpanyang konektado sa pamilyang Discaya, mas lumalakas ang panawagan para sa transparency at pananagutan sa mga proyektong pinopondohan ng gobyerno.
Walang komento:
Mag-post ng isang Komento