Hindi na napigilan ni dating Senate President Tito Sotto na ipahayag ang pagkadismaya sa pamumuno ni Senate President Chiz Escudero, kaugnay ng paghawak nito sa impeachment trial laban kay Vice President Sara Duterte.
“Kung hindi kayang pamunuan ang Senado nang may integridad, mas mabuting magparaya. Ang kapangyarihan ay para sa paglilingkod, hindi para sa kontrol. Mahiya naman kayo sa taongbayan.” - Tito Sotto
Sa isang matapang na pahayag, tinuligsa ni Sotto ang tila kawalan ng linaw, direksyon, at prinsipyo sa Senado sa gitna ng mainit na isyung pambansa. Ayon sa kanya, hindi maitatanggi na ang Senado ay tila nagiging arena ng personal na interes at hindi na nagtatrabaho ayon sa kapakanan ng taumbayan.
“Mahiya naman kayo,” mariing sambit ni Tito Sotto.
“Kapag ikaw ang Senate President, trabaho mong tiyakin na ang proseso ay maayos, patas, at hindi manipulahin. Huwag gawing personal ang trabaho. Huwag abusuhin ang kapangyarihan.”
Bagamat hindi niya direktang tinukoy ang detalye ng kanyang mga puna, malinaw sa mga pahayag ni Sotto na nawawalan siya ng tiwala sa liderato ni Escudero, lalo na kung ang layunin ay kapakanan ng mas nakararami.
Dagdag pa ni Sotto, ang impeachment trial ay isang seryosong proseso na dapat pinangungunahan ng isang lider na may paninindigan at respeto sa Saligang Batas.
Ang pagputok ng damdamin ni Tito Sotto ay isa lamang sa mga indikasyon ng lumalalim na tensyon sa loob ng Senado, lalo na sa paghawak ng impeachment case laban kay VP Sara Duterte. Sa kanyang mga salita, malinaw ang panawagan: pananagutan, integridad, at tunay na paglilingkod.
Sa harap ng lahat ng ito, ang tanong ng publiko ay hindi lang kung matutuloy ang paglilitis, kundi kung mapanghahawakan pa ba ng Senado ang tiwala ng sambayanan. Sa mata ng dating Senate President, ang kasalukuyang liderato ay dapat gisingin—at kung hindi kayang ayusin, ay handang harapin ang panawagang bumitaw.
Walang komento:
Mag-post ng isang Komento