Hindi napigilan ng senatorial candidate na si Benhur Abalos, Jr. ang maging emosyonal sa ginanap na press conference ng Regal Entertainment sa 38 Valencia Events Place matapos siyang biglaang i-endorso ni Vice Ganda sa isang 30-segundong video post sa social media.
“Vice, maraming salamat sa surprise na ito. Hindi man tayo nagkita nang personal, ramdam ko ang sinseridad mo. Sa simpleng video mo, nabigyan ako ng panibagong lakas. Maraming salamat, mula sa puso ko.” - Benhur Abalos
Sa harap ng mga press at taga-suporta, inamin ni Abalos na wala siyang kaalam-alam sa gagawing suporta ni Vice.
“Hindi ko alam na gagawin iyon ni Meme Vice. Parang surprise birthday party, e. Wala kaming napag-usapan, kusa niyang ginawa,” ani Abalos, halatang pinipigilang maiyak.
Ayon sa kanya, ang endorsement na ito ay hindi bayad, kundi isang kusang loob na suporta mula sa sikat na komedyante na may milyun-milyong followers online. Sa kasalukuyan, umabot na sa 16-17 milyon ang views ng naturang video sa social media.
“Vice, maraming salamat. Isang simpleng 30 seconds, pero tumatak talaga. Parang binigyan mo ako ng second look sa publiko,” dagdag pa ng kandidato.
Bukod kay Vice Ganda, pinasalamatan din ni Abalos ang iba pang artista at personalidad na tumulong sa kanyang kampanya tulad nina Ai Ai delas Alas, Jake Cuenca, Priscilla Meirelles, Bea Santiago, at Jason Abalos.
Sa huling araw ng kampanya, naging tila regalo para kay Benhur Abalos ang unsolicited endorsement mula sa isang mataas na impluwensyang personalidad gaya ni Vice Ganda. Sa gitna ng mahirap na laban sa politika, pinatunayan ni Abalos na hindi hadlang ang hirap basta’t may tiwala sa layunin at may mga taong naniniwala sa iyo.
Walang komento:
Mag-post ng isang Komento