Nilinaw ni Communications Usec. Claire Castro na hindi nasindak si Pangulong Ferdinand Marcos Jr. sa anunsyong pagtakbo ni Vice President Sara Duterte sa 2028 presidential elections. Ayon kay Castro, walang dahilan upang mabahala ang Pangulo sa naturang balita.
“Ang Pangulo masisindak? Hindi naman po kasindak-sindak,” ani Castro, bilang tugon sa mga tanong kung naapektuhan ba ang administrasyon sa pahayag ng Bise Presidente.
Binigyang-diin ni Castro na nananatiling nakatuon ang Pangulo sa kanyang kasalukuyang tungkulin at sa pagpapatupad ng mga programa ng gobyerno. Para sa Palasyo, mas mahalagang pagtuunan ng pansin ang serbisyo publiko kaysa sa mga maagang usapin tungkol sa 2028 elections.
Walang komento:
Mag-post ng isang Komento