Inamin ni Navotas Rep. Tobias Tiangco na may ilang kongresista umano ang may pangamba sa posibilidad na maupo sa pagkapangulo si Vice President Sara Duterte sa 2028. Ayon sa kanya, hindi maikakaila na may takot ang ilan, lalo na kung iniisip nila ang maaaring maging epekto nito sa kanilang mga naging posisyon at desisyon.
“Aminin natin, takot ‘yung ibang congressman,” ani Tiangco, sabay-diin na natural lamang sa pulitika ang ganitong pangamba kapag may malakas na kandidato na posibleng manalo sa susunod na halalan.
Ayon kay Tiangco, may ilan umanong nag-aalala na baka sila ay “balikan” sakaling magwagi si VP Sara sa 2028. Hindi man niya tinukoy ang partikular na dahilan, malinaw na ang pahayag ay may kinalaman sa mga naging hidwaan at isyung pampulitika sa nakalipas na panahon.
Walang komento:
Mag-post ng isang Komento