Naglabas ng pahayag si Pangulong Ferdinand Marcos Jr. matapos tuluyang ibasura ng Kamara ang impeachment complaint na inihain laban sa kanya. Sa kanyang mensahe, ipinakita ng Pangulo ang pagiging kalmado at kumpiyansa sa naging takbo ng proseso, iginiit na hindi siya kailanman nabahala dahil alam na niya umano kung saan patutungo ang naturang isyu.
Ayon kay Pangulong Marcos, mula pa sa simula ay malinaw na sa kanya na ang impeachment ay hindi magtatagumpay. Aniya, ginawa lamang niya ang kanyang tungkulin habang hinahayaan ang Kongreso na gampanan ang kanila.
Diretsahan ang Pangulo sa kanyang pahayag. Hindi niya itinuring na banta ang impeachment, bagkus ay isang istorbong humahadlang sa mas mahahalagang gawain ng pamahalaan. Para sa kanya, ang pagbasura ng reklamo ay patunay na gumagana ang proseso at may sariling paghusga ang Kamara.
Walang komento:
Mag-post ng isang Komento