Uminit ang diskusyon sa Senado matapos maglabas ng pahayag si Senate President Tito Sotto na tila may pasaring kay Sen. Ronald Bato Dela Rosa. Ayon kay Sotto, halos tatlong buwan umanong hindi pumapasok sa Senado si Sen. Dela Rosa ngunit patuloy pa rin ang pagtanggap ng sweldo.
Para kay Sotto, hindi maiiwasang magtanong ang publiko kung patas ba ito sa mga mamamayang araw-araw na naghahanapbuhay at nagbabayad ng buwis.
Ipinaliwanag ng Senate President na ang pagiging mambabatas ay may kaakibat na moral na obligasyon ang pumasok, makibahagi sa mga sesyon, at gampanan ang tungkulin. Aniya, ang sweldo ay kabayaran sa aktuwal na serbisyo, hindi sa titulo lamang.
Bilang pagbibigay-diin sa kanyang punto, ibinahagi ni Sotto ang kanyang personal na ginagawa: pumapasok siya sa Senado ngunit hindi niya tinatanggap ang kanyang sweldo, sa halip ay ibinibigay ito sa mga estudyanteng nangangailangan ng scholarship. Para sa kanya, ito ang kongkretong paraan ng pagbabalik sa taumbayan.
Walang komento:
Mag-post ng isang Komento