Naglabas ng kanyang saloobin ang Philippine looper na si Ferdinand Dela Merced matapos umano siyang magutom at mahilo habang dumadalo sa isang parade sa Bataraza. Ang naturang aktibidad ay dinaluhan din ng reggae musician at internet personality na si Elias JTV.
“A-attend sana ako ng concert, kaso sobrang hilo ko na sa gutom walang almusal. Busy ang organizer kay Elias JTV, kaya hindi na nila ako inasikaso. Mukhang busog ka muna sa fame bago ka pakainin sa event.” -Philippine looper Ferdinand Dela Merced
Ayon kay Dela Merced, balak sana niyang dumalo at makilahok sa concert pagkatapos ng parada, ngunit hindi na niya kinaya ang kondisyon ng kanyang katawan dahil sa kakulangan ng pagkain at pahinga.
Sa kanyang pahayag, inilahad ni Dela Merced na wala siyang almusal at hindi rin agad nabigyan ng atensyon ng event organizers. Giit niya, mas nakatuon ang mga organizer sa pag-aasikaso kay Elias JTV, dahilan upang maramdaman niyang tila napag-iwanan siya sa mismong event na dapat sana’y pantay ang trato sa mga inimbitahang performer.
Ang hinaing ni Ferdinand Dela Merced ay hindi lamang personal na reklamo, ito ay salamin ng mas malawak na isyu sa event management. Sa mundo ng entertainment, hindi dapat maging sukatan ang kasikatan para sa maayos na trato
Walang komento:
Mag-post ng isang Komento