Matapos ang mainit na pagsisiwalat ni dating Ako Bicol Party-list Representative Zaldy Co tungkol sa umano’y P100-bilyong budget insertion na iniuugnay sa kanya, agad namang pinaiimbestigahan ni Pangulong Ferdinand “Bongbong” Marcos Jr. ang naturang alegasyon upang alamin kung may katotohanan ang mga pahayag ng dating kongresista.
Ayon sa Pangulo, hindi niya hahayaang manatiling kwestyonable ang usapin at tiniyak niyang magiging patas at masusi ang imbestigasyon.
“Bine-verify pa natin ang lahat ng sinabi ni Zaldy Co. Hindi natin pwedeng basta paniwalaan o itapon agad. Kailangan ng ebidensya, hindi puro salita,” ani Pangulong Marcos sa isang panayam sa Malacañang.
Dagdag ng Pangulo, nais niyang malinawan ang publiko at matiyak na walang bahid ng katiwalian sa administrasyong kanyang pinamumunuan.
Ayon sa tagapagsalita ng Palasyo, iniutos ng Pangulo sa Presidential Anti-Corruption Commission (PACC) at sa Department of Justice (DOJ) na suriin ang mga dokumento at recordings na ipinresenta ni Co sa media.
Sinabi ni Marcos na bukas siya sa anumang imbestigasyon, kahit pa pangalan niya at ng pinsang si dating House Speaker Martin Romualdez ang nasasangkot.
“Walang itinatago ang Palasyo. Kung may dapat man maparusahan, kahit sino pa ‘yan, mananagot sa batas. Pero hindi rin natin pwedeng tanggapin basta-basta ang mga paratang nang walang katibayan,” pahayag ng Pangulo.
Kamakailan lamang, inilabas ni Zaldy Co ang isang video kung saan sinabi niyang si Pangulong Marcos at Martin Romualdez ang nag-utos umano ng P100-bilyong insertion sa national budget. Giit ni Co, ginawa lamang daw niya ang utos at ngayo’y siya pa raw ang ginawang “poster boy ng kasinungalingan.”
Ang utos ni Pangulong Ferdinand Marcos Jr. na ipaimbestiga ang mga pahayag ni Zaldy Co ay nagpapakita ng kanyang pagpapahalaga sa transparency at due process sa gitna ng mga mabibigat na paratang.
Habang patuloy ang pag-verify ng mga dokumento at testimonya, nananatiling kritikal ang papel ng publiko at media sa pagbabantay ng katotohanan.
Walang komento:
Mag-post ng isang Komento