Isang economic analyst ang nagbigay ng matinding babala sa mga Pilipino na maghanda sa mas mahirap na taon sa ekonomiya matapos ang malaking kontrobersya sa ₱100 bilyong budget anomaly na ibinunyag ng dating congressman na si Zaldy Co, kung saan idinadawit umano sina Pangulong Ferdinand “Bongbong” Marcos Jr. at dating Speaker Martin Romualdez.
Ayon sa eksperto, malaking epekto sa ekonomiya ang ganitong uri ng iskandalo dahil ito ay nakakasira ng tiwala ng mga dayuhang investor at nagpapakita ng kawalan ng transparency at kredibilidad ng pamahalaan.
“Maghigpit ng sinturon ang mga Pilipino. Kung hindi ito maaayos agad, babagsak pa ang ekonomiya sa susunod na taon. Ang tiwala ng mga mamumuhunan ay parang salamin isang crack lang, mahirap nang buuin,” - Economic Analyst
Ipinaliwanag ng economic analyst na kung magpapatuloy ang iskandalo at hindi agad maresolba, mawawala ang kumpiyansa ng mga lokal at banyagang mamumuhunan sa pamahalaan. Ayon sa kanya, ang mga karatig-bansa sa Southeast Asia tulad ng Vietnam, Malaysia, at Indonesia ay mas nagiging atraksyon sa mga foreign investors, samantalang ang Pilipinas ay nakikitang unstable dahil sa mga kasong may kinalaman sa korapsyon.
Bukod sa investments, tinukoy ng analyst na pati tourism sector ay maaapektuhan dahil sa negatibong imahe ng bansa. Ayon sa kanya, maraming turista ang nagiging maingat sa mga bansang may political instability at korapsyong laganap, na posibleng magresulta sa pagbaba ng kita ng mga negosyo sa sektor ng turismo at pagkawala ng trabaho.
Ang babala ng economic analyst ay malinaw na paalala na ang katiwalian sa pamahalaan ay hindi lang isyung pampulitika ito ay usapin ng ekonomiya at kabuhayan.
Walang komento:
Mag-post ng isang Komento