Matapos sabihin ni Ilocos Norte Representative Sandro Marcos na “the peso is weak because the dollar is strong,” mabilis itong sinagot ni Atty. Rowena Guanzo, na itinama ang paliwanag ng batang Marcos ukol sa pagbagsak ng halaga ng piso.
Sa isang panayam, diretsahan niyang sinabi: “Mali ka boy, the peso is weak because the president is weak. Kung malakas ang liderato, lalakas din ang piso. Pero kung mahina, babagsak ang ekonomiya.” - Atty. Rowena Guanzo
Ayon kay Guanzo, ang tunay na dahilan sa paghina ng piso ay hindi lang dahil sa kalakasan ng dolyar, kundi sa kakulangan ng matatag na pamumuno at malinaw na direksyon ng gobyerno sa ekonomiya.
Ipinunto ni Guanzo na ang kumpiyansa ng mga negosyante at mamumuhunan ay direktang nakadepende sa liderato ng bansa. Kung nakikita raw ng mga foreign investor na walang tiwala ang mamamayan sa kanilang pinuno, natural umanong bumababa ang halaga ng piso at lumalakas ang dolyar.
Dagdag pa ng abogado, hindi sapat na dahilan ang paglakas ng dolyar para ipaliwanag ang patuloy na paghina ng piso. Ang palitan ng piso at dolyar ay hindi lamang simpleng usapin ng merkado, kundi sumasalamin sa kalagayan ng liderato at kumpiyansa ng mamamayan.
Para kay Atty. Rowena Guanzo, malinaw na ang matatag na gobyerno ay nagbubunga ng matatag na ekonomiya at sa kasalukuyan, parehong humihina ang dalawa.
Walang komento:
Mag-post ng isang Komento