Matapang at may ngiti sa labi ang Pangulong Ferdinand “Bongbong” Marcos Jr. nang ianunsyo niya sa publiko na kompleto na at tapos na ang imbestigasyon ukol sa maanomalyang flood control projects ng pamahalaan. Ayon sa Pangulo, malinaw na kung sino ang mga mastermind at opisyal na sangkot sa naturang iskandalo, at tiniyak niyang makukulong ang mga ito bago sumapit ang Pasko.
“Wala silang Merry Christmas ngayong taon. Sa halip na magdiwang, dapat nilang paghandaan ang kanilang pagkakakulong,” mariing pahayag ni Pangulong Marcos.
Ang anunsyo ay bahagi ng update ng Pangulo hinggil sa kampanya laban sa korapsyon sa ilalim ng kanyang administrasyon, kung saan isa ang flood control fund scandal sa mga pinakamalaking isyung kinaharap ng pamahalaan nitong taon.
Ayon kay Marcos, kumpleto na ang ebidensya at dokumentasyon na magpapatunay sa partisipasyon ng ilang opisyal sa pandarambong at maling paggamit ng flood control funds. Ipinahayag ng Pangulo na ipinasa na sa Department of Justice (DOJ) at sa Ombudsman ang mga resulta ng imbestigasyon upang agad na masampahan ng kaso ang mga sangkot.
“Hindi na ito opinyon, hindi na haka-haka ito ay mga konkretong ebidensya. May mga pangalan, may mga dokumento, at may mga resibo,” dagdag pa ni Marcos.
Matapos ang anunsyo ng Pangulo, bumuhos ang suporta mula sa mga netizens at mga grupong kontra-korapsyon. Marami ang nagsabing ito ang uri ng pamumuno na kailangan ng bansa matapang at walang kinikilingan. Gayunman, may ilan ding nananawagan na siguraduhin ng pamahalaan ang patas na proseso at hindi ito maging daan para sa pamumulitika.
Ang matapang na pahayag ni Pangulong Ferdinand Marcos Jr. ay malinaw na mensahe ng pananagutan at hustisya. Sa panahon ng pagdiriwang at pagbibigayan, ipinapaalala ng Pangulo na ang tunay na diwa ng Pasko ay katapatan at kabutihan, hindi katiwalian.
Walang komento:
Mag-post ng isang Komento