Naglabas ng matapang at kontrobersyal na pahayag ang dating Miss Q&A Queen at aktres na si Juliana Parizcova Alili matapos ipahayag ng Department of Trade and Industry (DTI) na ₱500 ay sapat na para sa isang Noche Buena meal ng pamilyang Pilipino. Sa isang viral post, idinugtong ni Juliana ang isyu sa pamumuno ni Pangulong Ferdinand “Bongbong” Marcos Jr., at sinabing tila hindi realistiko ang ganoong pahayag para sa karaniwang Pilipino.
“Kaya siguro ₱500 lang pang Noche Buena, dahil di naman kumakain ang mga adik,” - Juliana Parizcova
Matatandaang umani ng batikos ang DTI Secretary Ma. Cristina Roque matapos sabihin na kaya umanong pagkasyahin ang ₱500 Noche Buena budget para sa isang pamilya, kabilang na ang ham, spaghetti, at macaroni salad. Ngunit ayon kay Juliana, malinaw na malayo sa realidad ng mahihirap na Pilipino ang ganitong pagtantya, lalo na sa harap ng patuloy na pagtaas ng presyo ng mga bilihin.
Hindi na bago ang matapang na mga komento ni Juliana laban sa administrasyon ni Marcos. Sa ilang nakaraang buwan, ilang beses na rin niyang kinuwestiyon ang kakayahan ng kasalukuyang pamahalaan na tugunan ang mga isyung pambayan tulad ng inflation, korapsyon, at krisis sa pagkain.
Sa kabila ng mga batikos at reaksyon, naging boses muli si Juliana Parizcova ng mga ordinaryong Pilipino na naniniwalang hindi sapat ang ₱500 para sa isang masayang Noche Buena.
Walang komento:
Mag-post ng isang Komento