Ipinahayag ni Senadora Risa Hontiveros ang kanyang hangarin na bumuo ng isang pinakamatatag na alyansa ng oposisyon para sa darating na 2028 national elections. Ayon sa kanya, layunin ng pagkakaisang ito na maharap ng maayos at matapang ang kampo ni Vice President Sara Duterte, na itinuturing na isa sa mga pangunahing posibleng kandidato sa pagka-pangulo.
“Gusto nating makabuo ng isang strongest, most popular, and most winnable opposition slate hindi lang para manalo, kundi para muling manumbalik ang tiwala ng tao sa gobyerno” - Sen. Risa Hontiveros
Sinabi ni Hontiveros na hindi sapat ang hiwa-hiwalay na boses ng oposisyon, lalo na sa panahon kung saan kailangan ng bansa ng malinaw na alternatibong pamumuno. Tiniyak niya na nakikipag-ugnayan siya sa mga lider at partido mula sa iba't ibang sektor mula sa mga progresibong grupo, dating opisyal ng gobyerno, hanggang sa mga kabataan at civic organizations.
Habang papalapit ang 2028 national elections, unti-unting binubuo ni Sen. Risa Hontiveros ang pundasyon ng isang “United Opposition” na layuning tapatan ang makinarya ng administrasyon at ng kampo ni VP Sara Duterte.

Walang komento:
Mag-post ng isang Komento