Nag-init ang isyu sa budget insertions sa DPWH matapos muling magbitaw ng matapang na pahayag si Batangas Representative Leandro Leviste. Sa panayam niya, sinabi niyang hindi umano maibabalita ng DPWH ang buong listahan ng mga insertions dahil mas mataas pa raw sa kanila ang nasa likod ng anomalya.
Ayon kay Leviste, hindi lang mga senador o kongresista ang dapat tingnan, kundi pati iba pang sangay ng pamahalaan na posibleng may kinalaman sa manipulasyon ng flood control at infrastructure funds.
“Sabihin na lang po natin, buong gobyerno may insertions maliban lang sa VP. Hindi ito simpleng issue lang ng Kongreso mas malaki ito kaysa sa nakikita ng publiko” -Rep. Leandro Leviste
Diretsahang sinabi ni Leviste na hindi dapat limitado ang imbestigasyon sa Kongreso. Giit niya, mas malawak ang problema at may mga pangalan na mas mataas ang ranggo na maaaring kasama.
Sa panayam ni Alvin Elchico, hinamon ni Leviste ang DPWH na maging transparent at ihayag ang buong listahan ng mga insertions—kasama kung sino ang nagpatusok ng proyekto, magkano ang pondo, at saang distrito ito napunta.
Aniya, hindi patas kung puro mabababang opisyal at mambabatas ang nadadamay habang ang mas mataas na ranggo ay hindi nababanggit.
Ang pahayag ni Rep. Leandro Leviste ay nagpasiklab ng panibagong diskusyon tungkol sa transparency at korapsyon sa DPWH. Sa kanyang akusasyong “buong gobyerno may insertions,” malinaw na hindi lamang Kongreso ang nais niyang silipin kundi ang mas mataas pang sangay ng gobyerno.
Walang komento:
Mag-post ng isang Komento