Naniniwala si Sen. Panfilo “Ping” Lacson na si dating Department of Public Works and Highways (DPWH) Secretary Manuel Bonoan ang maaaring maging susi sa pag-ungkat ng katotohanan sa umano’y isyu ng kickback na kinasasangkutan ni dating Executive Secretary Lucas Bersamin. Ayon kay Lacson, bagama’t itinanggi ni Bersamin ang mga alegasyon at tinawag itong “triple hearsay,” maaaring magbago ang takbo ng imbestigasyon kung magsasalita si Bonoan.
“Tama naman si Bersamin na triple hearsay ang alegasyon. Pero kung mismong si Bonoan ang magsalita at kumpirmahin ang usapan, iba na ‘yon. Siya ang may alam sa detalye,” - Sen. Ping Lacson
Ayon kay Lacson, ang paratang na may kickback ay dumaan sa tatlong tao bago makarating sa publiko, dahilan kung bakit mahina ito bilang ebidensya sa korte. Batay sa impormasyon, nagmula umano ang kuwento kay dating DepEd Undersecretary Trygve Olaivar, na sinabi kay dating DPWH Undersecretary Roberto Bernardo, at isinulat naman ni Bernardo sa kanyang salaysay.
Batay sa mga dokumento, sinasabing nagkaroon ng pag-uusap sina Bonoan at Bersamin tungkol sa umano’y P52 bilyon hanggang P81 bilyong proyekto sa DPWH.
Sa gitna ng kontrobersiya, naniniwala si Sen. Ping Lacson na ang katotohanan ay nasa kamay ni Manuel Bonoan. Bagaman mahina sa ebidensya ang “triple hearsay,” posibleng mag-iba ang takbo ng kaso kung magsasalita ang mismong taong sangkot sa usapan.
Walang komento:
Mag-post ng isang Komento