Sa isang matapang na pahayag, Vice President Sara Duterte ay nanawagan kay Pangulong Ferdinand “Bongbong” Marcos Jr. na magpa-drug test bilang patunay ng kanyang kakayahan at kredibilidad bilang pinuno ng bansa.
Ayon kay Duterte, tungkulin ng bawat opisyal ng gobyerno lalo na ng Pangulo at Bise Presidente na ipakita sa publiko na sila ay may sapat na kakayahan sa pagdedesisyon at malinis sa anumang bisyo o kahinaang maaaring makaapekto sa kanilang pamumuno.
“Kapag President ka or Vice President ka or any government official… hindi ka puwedeng humindi kapag sinasabihan kang magpa-drug test ka, magpa-neuropsychiatric exam ka or any other exam na mag-relate sa competency mo to lead.” - VP Sara Duterte
Binigyang-diin ni VP Sara na ang drug testing at psychiatric evaluation ay hindi lamang simpleng personal na isyu, kundi bahagi ng transparency na dapat ipakita ng mga namumuno sa bayan. Ayon sa kanya, kung kayang ipasa ng mga karaniwang empleyado ng gobyerno at mga pulis ang ganitong mga pagsusuri, lalong dapat itong gawin ng pinakamataas na opisyal ng bansa.
Matapos ang pahayag ni VP Sara, dumami ang mga panawagan sa social media para kay Pangulong Marcos na agad sumailalim sa drug test.
Ang panawagan ni Vice President Sara Duterte na magpa-drug test si Pangulong Marcos ay nagbukas ng bagong diskurso tungkol sa transparency, accountability, at integridad ng mga opisyal ng gobyerno.
Walang komento:
Mag-post ng isang Komento