Matapos ibasura ng International Criminal Court (ICC) ang apela ng kampo ni dating Pangulong Rodrigo Duterte para sa pansamantalang kalayaan (interim release), agad naglabas ng pahayag si former Senator Antonio “Sonny” Trillanes IV, isa sa mga pangunahing nagreklamo laban sa dating Pangulo sa ICC.
Ayon kay Trillanes, ang desisyong ito ay simbolo ng katarungan para sa mga Pilipinong biktima ng marahas na war on drugs sa ilalim ng administrasyong Duterte.
“Ngayon na natuldukan na yang interim release na yan, sana ay wag nang magpaasa ang mga leaders ng Duterte camp sa kanilang mga supporters. Di na makakakalaya si Duterte bilang kabayaran sa libu-libong Pilipinong pinapatay niya” - Sen. Sonny Trillanes
Sa kanyang opisyal na pahayag, sinabi ni Trillanes na matagal nang panahon na dapat managot ang dating Pangulo sa mga kasong may kinalaman sa extrajudicial killings (EJK) sa bansa. Aniya, ang desisyon ng ICC ay hindi tagumpay ng iisang tao, kundi ng lahat ng Pilipinong naghahangad ng hustisya.
Nilinaw din ng dating senador na ang kanyang layunin ay hindi paghihiganti laban kay Duterte, kundi ang pananagutan sa ilalim ng batas. Aniya, dapat itigil ng kampo ng dating Pangulo ang pagpapakalat ng maling pag-asa sa kanilang mga tagasuporta.
Ang desisyon ng ICC na tanggihan ang apela ni dating Pangulong Rodrigo Duterte ay nagbigay ng bagong pag-asa sa mga pamilya ng biktima ng drug war at sa mga matagal nang nananawagan ng hustisya.
Para kay Sen. Sonny Trillanes, ito ay patunay na may hangganan ang kapangyarihan, at na sa bandang huli, ang batas at katotohanan ang mananaig.
Walang komento:
Mag-post ng isang Komento