Isang mainit na pahayag ang lumabas mula sa singer at atty. Jimmy Bondoc, matapos ibasura ng International Criminal Court (ICC) ang apela ng kampo ni dating Pangulong Rodrigo Duterte para sa pansamantalang kalayaan.
Sa kanyang social media post, ipinahayag ni Bondoc ang matinding pagkadismaya at lungkot, sabay-post ng "Republic of Mindanao, coming soon", na agad nag-trending sa mga online platforms.
“Hindi na ako magtataka kung dumating ang araw na ang Mindanao ay magsarili. Kung hindi n’yo kami pakikinggan sa Luzon at Visayas, kami mismo ang kikilos para sa aming kapayapaan at katarungan,”- Jimmy Bondoc
Ang kontrobersyal na post ni Bondoc ay nagpasiklab ng diskusyon online, lalo na’t tila nagpapahiwatig ito ng paghihiwalay ng Mindanao mula sa kasalukuyang pamahalaan.
Kasunod ng post ni Bondoc, naglabasan ang mga komento ng mga taga-Mindanao na sumasang-ayon sa kanyang sentimyento.
Marami sa kanila ang naniniwala na hindi nabibigyan ng sapat na boses ang Mindanao sa kasalukuyang administrasyon at tila nawawala na ang respeto sa rehiyon.
Ang kontrobersyal na pahayag ni Jimmy Bondoc ay naging simbolo ng pagod at pagkadismaya ng ilang Pilipino, partikular na sa Mindanao, sa kasalukuyang estado ng hustisya at politika sa bansa.
Habang may mga sumusuporta sa kanyang paninindigan, marami rin ang nananawagan ng pag-iingat sa mga salitang maaaring maghasik ng pagkakawatak-watak.
Walang komento:
Mag-post ng isang Komento