Matapos ang ilang linggong deliberasyon, tinanggihan ngayong araw ng International Criminal Court (ICC) ang kahilingan ng kampo ni dating Pangulong Rodrigo Roa Duterte para sa interim release o pansamantalang paglaya habang dinidinig ang kaso laban sa kanya.
Ang desisyong ito ay ipinahayag ng ICC Pre-Trial Chamber sa The Hague, Netherlands, sa gitna ng patuloy na paglilitis kaugnay ng umano’y crimes against humanity na nag-ugat sa kontrobersyal na war on drugs program ng administrasyong Duterte.
Ayon sa ICC, walang sapat na basehan o dahilan upang payagan ang dating Pangulo na makalaya pansamantala, dahil may panganib umano na makatakas siya o maimpluwensyahan ang mga testigo sa kaso.
Agad namang nagpahayag ng pagkadismaya ang kampo ng dating Pangulo, sa pangunguna ng kanyang abogado na si Atty. Salvador Panelo, na nagsabing “political persecution” umano ang kaso laban sa kanilang kliyente.
Ang desisyon ng International Criminal Court na tanggihan ang interim release ni dating Pangulong Rodrigo Duterte ay nagpatibay sa prinsipyo ng internasyonal na hustisya na walang sinuman, gaano man kataas, ang ligtas sa pananagutan sa batas.
Walang komento:
Mag-post ng isang Komento