Hindi nagustuhan ni Pangulong Ferdinand “Bongbong” Marcos Jr. ang asal ng ilang opisyal ng gobyerno na tila kampante at walang pakialam kahit may paparating o kasalukuyang kalamidad sa bansa. Ayon sa Pangulo, hindi panahon para maging “chill” kapag buhay ng mga Pilipino ang nakataya.
Kamakailan lang, naging kontrobersyal ang pahayag ng governor ng Isabela matapos nitong sabihing nakakapagpanik daw ang mga weather warnings ng PAGASA, kaya dapat daw ay “chill lang” at huwag masyadong OA sa mga alerto. Agad itong umani ng batikos, hindi lang mula sa publiko kundi pati na rin mula kay PBBM mismo.
Ayon sa Pangulo, “Bilang public official, tungkulin nating maging alerto, hindi relax. Ang trabaho natin ay protektahan ang tao, hindi hintayin lang kung anong mangyayari.” Binanggit din niya na dapat ay palaging handa ang mga lokal na opisyal sa pagresponde sa anumang banta, lalo na kung may kasamang panganib sa buhay at ari-arian.
Sa panahon ng kalamidad, napakahalaga ng maagap na aksyon. Pinaalalahanan ni Marcos ang mga opisyal na hindi sapat ang mga pahayag sa media mas mahalaga ang aktwal na pagkilos. Pinaalalahanan din ng Pangulo ang publiko na ang mga babala ng PAGASA ay para sa kaligtasan ng lahat.
“Hindi natin pwedeng sabihing ‘relax lang’ habang lumulubog na sa baha ang mga kababayan natin. Ang tunay na lider, kumikilos agad bago pa lumala ang sitwasyon,” giit pa ng Pangulo.
Ang mensahe ni Pangulong Bongbong Marcos Jr. ay malinaw ang pagiging opisyal ay hindi pribilehiyo, kundi responsibilidad.
Walang komento:
Mag-post ng isang Komento