Muling naging usap-usapan ang aktor na si John Lloyd Cruz matapos niyang ibahagi ang isang madamdaming mensahe tungkol sa totoong kasiyahan sa buhay. Sa isang panayam, tahasang sinabi ni Lloydie, “Kung marunong kang makuntento, mas madali mong makakamit ang tunay na kasiyahan.”
Sa panahon ngayon, tila mas naging sukatan ng kaligayahan ang pera, branded na gamit, at social media likes. Pero sabi ni John Lloyd, mali ito. Ayon sa kanya, “Hindi mo kailangang ipakita sa mundo na masaya ka. Ang importante, alam mong payapa ka sa sarili mo.”
Pinaliwanag ng aktor na hindi masama ang mangarap ng marangyang buhay, pero dapat daw ay alam pa rin natin kung saan nagmumula ang tunay na ligaya. Para sa mga tagahanga niya, nakakatuwang marinig mula sa isang bigating artista ang ganitong klase ng kababaang-loob.
“Wag mong isipin na kailangan mong magkaroon ng lahat para maging masaya. Minsan, yung kape sa umaga, tawanan ng pamilya, o simpleng pahinga sa bahay ‘yun na ‘yung kaligayahan na hinahanap mo” -John Lloyd.
Sa dulo ng lahat ng ingay at karera, ang mensahe ni John Lloyd Cruz ay malinaw, Ang tunay na kasiyahan ay hindi nakikita sa karangyaan, kundi sa pagkakaroon ng kapanatagan sa puso. Kapag marunong kang makuntento, mas madali mong makikita ang mga biyayang dati ay hindi mo napapansin.
Walang komento:
Mag-post ng isang Komento