Isang nakaka-inspire na tagpo ang umani ng papuri mula sa publiko matapos ang cameraman ng TV5 na si Mac Ortiz ay biglaang mapasabak bilang field reporter sa gitna ng live coverage ng Super Typhoon Uwan sa Albay. Ang sitwasyon na nagsimula sa isang nakaka-kabog na sandali, ay nauwi sa kahanga-hangang pagpapakita ng tapang, kalma, at dedikasyon sa trabaho.
Habang abala sa pagkuha ng mga eksena ng matinding ulan at malakas na hangin, tinawag si Mac Ortiz ng kanyang production team upang magsagawa ng live report dahil walang ibang reporter sa lugar. Sa kabila ng kakulangan sa paghahanda, kalmado at malinaw niyang naihatid ang mga kaganapan sa Albay, gamit ang parehong propesyonalismo at tapang na karaniwan lamang sa mga beteranong mamamahayag.
“Hindi ko na inisip kung camera man lang ako. Ang nasa isip ko noon, kailangan marinig ng publiko ang sitwasyon dito. Kung ako ang nandito, ako na rin ang magsasabi,” - Mac Ortiz
Ang kanyang instant transformation mula cameraman tungo sa live reporter ay agad na nag-viral, at umani ng papuri mula sa kanyang mga kasamahan sa industriya. Isa sa mga unang nagbigay ng papuri ay ang TV5 anchor na si Gretchen Ho, na ibinahagi ang kanyang paghanga sa kakayahan at dedikasyon ni Mac.
Sa social media, bumuhos ang papuri mula sa mga netizen. Marami ang nagsabing si Mac Ortiz ay simbolo ng tunay na dedikasyon ng mga mamamahayag, lalo na sa panahon ng sakuna kung saan ang katotohanan ay dapat maihatid sa publiko kahit gaano pa kahirap ang sitwasyon.
Ang kwento ni Mac Ortiz ay isang patunay na ang dedikasyon sa serbisyo ay walang hangganan. Sa panahon ng sakuna, kung saan ang bawat segundo ay mahalaga, ang kanyang kabayanihan sa simpleng paraan ay naging inspirasyon sa marami.
Walang komento:
Mag-post ng isang Komento