Unti-unting nagbabago ang direksyon ng Bagyong Uwan (Fung-wong) matapos itong lumihis nang bahagya sa kanyang dating ruta, ayon sa pinakahuling ulat ng PAGASA ngayong Sabado, Nobyembre 8. Bagaman bumaba ang track nito, mananatiling banta ang malakas na hangin at matinding ulan sa Bicol Region, Quezon Province, Mindoro, at Northern Philippines.
"Ang ganitong klase ng bagyo ay unpredictable. Pwedeng biglang bumaba o umakyat ang ruta. Kaya’t mas mainam na maghanda na agad kaysa magsisi sa huli. Hindi dapat maging kampante ang ating mga kababayan dahil kahit bahagyang bumaba ang track ng bagyo, malawak pa rin ang epekto ng ulan at hangin" - PAGASA
Ayon sa PAGASA, bahagyang bumaba ang tinatahak na track ng bagyo, dahilan upang mas maraming lugar ang maapektuhan, kabilang ang mga probinsya ng Catanduanes, Samar Island, Quezon, at Mindoro. Inaasahan pa rin itong mag-landfall sa Linggo ng gabi, ngunit posibleng magbago pa ang direksyon depende sa paggalaw ng hanging amihan at dagat.
Sa kasalukuyan, umabot na sa 130 km/h ang maximum sustained winds ni Uwan, habang 160 km/h naman ang lakas ng bugso. Dahil dito, itinaas na ng PAGASA ang Signal No. 2 sa ilang bahagi ng Luzon at Visayas.
Mga Lugar na Apektado
Signal No. 2:
Catanduanes
Eastern at Central Northern Samar
Northeastern Samar
Northern Eastern Samar
Signal No. 1:
Kabilang ang Cagayan, Isabela, Quirino, Nueva Vizcaya, Apayao, Abra, Kalinga, Benguet, Pangasinan, Ilocos Region, Metro Manila, at mga lalawigan sa Calabarzon, Bicol Region, Mindoro, at Visayas (Cebu, Leyte, Aklan, Iloilo, Capiz, Negros Occidental).
Nagbabala ang PAGASA na posibleng magkaroon ng flash flood, landslide, at storm surge lalo na sa mga lugar na matataas at mababa ang lupa. Pinaalalahanan din ng National Disaster Risk Reduction and Management Council (NDRRMC) ang mga LGU na maging alerto at magpatupad ng pre-emptive evacuation kung kinakailangan.
Habang papalapit si Bagyong Uwan (Fung-wong), nananatiling kritikal ang paghahanda at disiplina ng publiko. Maaaring bahagya itong lumihis, ngunit hindi ibig sabihin ay ligtas na ang bansa. Ang mga karanasan sa nakaraang mga bagyo ay paalala na ang kaligtasan ay nasa maagang aksyon, hindi sa huling sandali.
Walang komento:
Mag-post ng isang Komento