Nagpatawag ng emergency meeting si Senador Raffy Tulfo kasunod ng mga ulat tungkol sa sunod-sunod na pambobomba sa ilang bahagi ng Middle East. Bilang Chairperson ng Senate Committee on Migrant Workers, agad siyang kumilos upang talakayin ang mga hakbang na dapat gawin para sa kaligtasan ng mga Overseas Filipino Workers (OFW).
Ayon kay Tulfo, hindi dapat mag-aksaya ng oras sa ganitong sitwasyon. Kailangang maagap ang aksyon ng pamahalaan upang matiyak na may malinaw na plano sakaling kailanganin ang agarang paglikas o pagbigay ng tulong sa mga Pilipino sa apektadong lugar.
Iginiit ni Tulfo na personal niyang babantayan ang sitwasyon ng mga OFW “24/7” upang masiguro na may agarang tugon sa anumang pangangailangan. Aniya, mahalagang may bukas na linya ng komunikasyon sa mga embahada, konsulado, at pamilya ng mga apektadong manggagawa.
Walang komento:
Mag-post ng isang Komento