Tinawanan lamang ni dating Philippine National Police (PNP) chief Nicolas Torre III ang mga tanong kung ang kanyang paglipat bilang general manager ng Metropolitan Manila Development Authority (MMDA) ay isang demotion. Para kay Torre, hindi makatarungan ang ganitong pananaw dahil malinaw aniya na hindi ito pagbaba ng estado o halaga ng kanyang tungkulin.
Sa kanyang paliwanag, inihayag niyang mas mataas pa ang kanyang tinatanggap na buwanang sahod sa bagong posisyon umaabot sa P203,200 kumpara sa P157,274 noong siya ay PNP chief. Para sa kanya, hindi lamang ranggo ang dapat tingnan kundi pati ang responsibilidad at benepisyong kaakibat ng trabaho.
Binigyang-diin ni Torre na ang paglipat niya sa MMDA ay bahagi ng patuloy na paglilingkod sa publiko. Aniya, ang mahalaga ay ang pagkakataong makapag-ambag sa kaayusan at pamamahala sa Metro Manila, lalo na sa usapin ng trapiko, disiplina sa lansangan, at disaster response.
Walang komento:
Mag-post ng isang Komento