Isang makabuluhang paalala ang ibinahagi ng aktor na si Ian Veneracion para sa mga kalalakihan, partikular sa mga nasa relasyon. Sa isang panayam, diretsahan niyang sinabi na hindi kailanman “cool” o kahanga-hanga ang pagiging babaero, bagkus, mas kahanga-hanga ang lalaking marunong manatiling tapat sa iisang babae.
“Madali mambabae, sobrang dali mambabae kahit sino pwedeng maging babaero. There is nothing cool about it, pero yung sticking to the one that you know that is meant for you, that’s the right path. It takes more of a man to be like that,” ani ni Ian.
Ayon sa beteranong aktor, sa panahon ngayon kung saan maraming tukso at instant connections sa social media, mas mahirap ngunit mas marangal ang paninindigan sa katapatan. Naniniwala si Ian na ang tunay na sukatan ng pagiging lalaki ay hindi nasusukat sa dami ng babaeng nagkagusto sa’yo, kundi sa kakayahan mong manatiling tapat sa iisang mahal mo.
Dagdag pa niya, hindi na uso ang pagiging “player” o “chickboy” dahil ang tunay na kagwapuhan ay nakikita sa karakter at respeto sa kapwa.
“Ang daming lalaking akala nila astig pag may iba-ibang babae. Pero kung tutuusin, mas matapang yung kayang tumanggi. Hindi mo kailangan ng validation sa iba para maramdaman mong lalaki ka,” paliwanag ni Ian.
Kilala si Ian Veneracion bilang isa sa mga pinakagalang at family oriented actors sa industriya. Sa kabila ng kanyang kasikatan at pagiging heartthrob, nanatili siyang malinis ang pangalan at malayo sa anumang kontrobersiya tungkol sa mga babae bagay na lalo pang hinangaan ng publiko.
Ang pahayag ni Ian Veneracion ay nagsilbing paalala at inspirasyon sa maraming kalalakihan na sa panahon ngayon ng tukso at mabilisang relasyon, ang katapatan ay nananatiling pinakamataas na anyo ng pagmamahal.
Walang komento:
Mag-post ng isang Komento